Skip to main content

LUNAS SA KLERIKALISMO: ITO NGA BANG TINATAWAG NA SYNODALITY?

 

 


 

Ayon kay Pope Francis, ang lunas sa sakit na “klerikalismo” sa simbahan ay ang sinodalidad (synodality = sama-samang paglalakbay ng simbahan). Ang hamon ng sinodalidad ay ang sama-samang pagsisikap na magbago tungo sa pagkawasak ng ating hilig na laging magmukhang tama at mukhang banal para sa gayon ay magkaroon naman ng kababaang-loob na pakikinig sa bawat isa sa simbahan, at higit sa lahat, pakikinig sa sinasabi ng Espiritu sa atin. 

 

Malaking problema sa simbahan ngayon ang maling paggamit ng kapangyarihan at ang pamumuno ng iilang piling tao, subalit malaking problema din ang hindi pagkakasundo-sundo sa loob ng isang simbahan na higit isang bilyong katao ang kasapi. Dapat nating mapahalagahan ang pagiging katoliko (universal) natin; iyong tayo ay binubuo ng iba’t-ibang kultura, lahi at kasaysayan dahil tayo ay isang simbahang pang buong mundo (global church). Kailangang pakinggan ang situwasyong magkakaiba, ang mungkahi ng bawat isa, at ang inaasam ng mga tao mula sa magkakalayong dako ng mundo.

 

 

Ang sinodalidad ay bagong sinusubukan ulit ngayon subalit kung tutuusin, ito ay sinaunang paraan ng pagiging simbahan at kaya heto at tila tayo nadadapa at nangangapa sa pagbuo ng mga kinakailangang suporta para dito. Ang reporma ng simbahan bilang isang institusyon ay magaganap subalit sa pamamagitan lamang ng sinodalidad, ayon sa Santo Papa. 

 

Sa ngayon, wala pang kongkretong pagbabagong maipapakita bunga ng sinodalidad laban sa klerikalismo. Tanging mga binhi pa lamang ang unti-unting inihahasik na sana ay magbunga ng mahusay na pagbabago ng institusyon ng simbahan. Konting sikap pa mula sa mga lider ng simbahan at sa mga layko upang maisulong ang tunay na sama-samang paglalakbay at magalang na pakikinig sa bawat sa isa sa lahat ng antas ng simbahan, maging parokya man o diocese o pambansang pagtitipon o pagkilos.

 

 

Ourpinoytheologian 11/13/23

 

photo:  https://www.collegeofpreachers.co.uk/articles/2022/1-july/features/walking-together-on-the-road-synodality-ecumenism-and-the-preacher/



Labels:

Popular posts from this blog

MALI BA SI CARDINAL AMBO DAVID?

    Nagkagulo na naman ang mga Katolikong mabilis mataranta at ito ay dahil sa pahayag ni Cardinal Ambo David sa isang panayam na ibinigay niya sa isang conference. Nasabi kasi ng Cardinal ang ganito: “Huwag kayong maniniwala na ang kaligtasan ay para sa mga Katoliko lamang. Hindi ka Katoliko kung ang iniisip mo na ang maliligtas ay Katoliko lamang. Ang kaligtasan ay laan para sa lahat… sa buong sangkatauhan.”   Nag-alala ang ilan at naisip na baka daw maraming magsi-alisan sa pagiging Katoliko dahil maliligtas naman pala kahit hindi Katoliko. Baka din daw isipin ng ilang nagbabalak maging Katoliko na huwag ituloy dahil hindi naman pala ganoon kahalaga maging Katoliko. May mga nagalit, may mga nasaktan, may mga nagbintang na mali ang turo ng Cardinal tungkol dito.   Pero tingnan natin kung ganito ang sinabi ng Cardinal, magiging tama kaya ang lahat? Halimbawa ganito niya sinabi: “Maniwala kayo na tayong mga Katoliko lamang ang maliligtas...
Read more

Wala Ka nang Pag-asa?

    May mga pagkakataon bang nasabi mo sa sarili mo: Wala na akong pag-asa! Huli na ang lahat! Hindi na ako makakahabol! Wala nang magagawa pa! Hopeless situation na!   Subalit ang ganitong pakiramdam ay hindi tunay na pagkawala ng pag-asa. Natural sa mga tao ang manlumo (ma-depress sabi natin ngayon), dahil sa panghihinayang at pagkukulang. At sa mga panahong ganito ang damdamin natin, mas matingkad ang katotohanan na darating muli ang pag-asa at papalitan nito ang mga huwad na nagpapanggap na pag-asa – ang “sana” at ang “ok lahat.”   Ang “sana” (o mas palasak ngayon, “sanaol” ay katumbas ng tinatawag sa Ingles na “wishful thinking.” Ito iyong hinagap na makakamtan mo lahat ng hangarin mo; wala itong kinalaman sa pag-asa. “”Sana” tumama ako sa lotto; “sana” gumanda ang buhay ko ngayon.” Wala itong batayan sa katotohanan dahil ito ay isang guni-guni lamang. Mapalad ka kung maganap ang “sana” sa buhay mo.   Ang “ok lahat” ay katu...
Read more

MALASWA DIN!

    Kahanga-hanga itong si Cardinal Pablo David sa lahat ng mga obispo ng Pilipinas, lalo na sa hanay ng mga Kardinal na Pilipino. Bagamat ang ibang Kardinal at karamihan sa mga obispo ay tahimik sa mga suliranin ng bayan, mabilis naman tumutugon si Cardinal David sa mga kinakaharap na isyu ng Lipunan. Hindi mapigilang maalala ang halimbawa ng yumaong Jaime Cardinal Sin na buong tapang na tinuligsa ang mga pagpapahirap sa mga tao noong kanyang kapanahunan. Tila si Cardinal David ang siyang tagapamana ng budhing panlipunan na isinabuhay ni Cardinal Sin.   Nitong nakaraang mga araw, tinawag ni Cardinal David na “obscene,” o malaswa ang ugali ng mga mayayaman at maykaya at mga pamilya nila na ipagmayabang ang kanilang kayamanan sa social media: mga pagkaing sobrang mamahalin, mga koleksyon ng abubot na ginto ang halaga, mga pamamasyal at pamamahinga sa mga destinasyong sa pangarap lamang mararating ng marami. Napansin ang mga ito ng mga tao lalo na ...
Read more