Skip to main content

ANG KALIKASAN, ANG SANGNILIKHA SA MATA NI HESUS...

 



Naibigan ng Panginoong Hesukristo na tuklasin ang  malalim at mabathalang kahulugan ng mga bagay sa kalikasan, sa pamamagitan ng pagsusuri sa mga kahanga-hangang katangian ng mga ito, na madalas hindi napansin ng ibang tao: ang mga damo sa parang at ang mga bulaklak na mas marangya pa ang kasuotan kaysa hari (Lk 12: 27-28), ang mga halamang tambo na humahapay sa hangin (Lk 7: 24), ang minsang madilim at minsang maaliwalas na langit (Mt. 16:2), ang hinog na trigo na malapit nang anihin (Jn 4: 35), ang makipot na pintuan (Mt 7: 13-14), ang kidlat na gumuguhit sa kalangitan (Mt. 24: 27), ang ilaw na nagliliwanag sa kadiliman (Jn 1: 5, 8:12, 12: 35, 35-36f),  pati mga payak na hayop na karaniwan sa atin:  ang inahing manok (Mt 23: 37), ang mga ibong pinapakain ng Diyos Ama (Mt 6: 26), ang maamong kalapati (Mt 10: 16), ang mga maamong tupa (Jn 10), at iba pa. Anumang bahid ng kagandahan ay sapat na para mapaligaya ang Panginoong Hesus. Bawat galaw ng kalikasan ay tila naghatid sa kanya ng mensahe ng Ama, kaya’t nagawa niyang ihayag ang sarili niya sa pamamagitan ng mga larawan ng mga umiiral na bagay sa kalikasan at sangnilikha…

 

Ako ang tubig na magbibigay ng buhay na walang hanggan… (Jn 4: 13/ 7:38)

Ako ang liwanag… (Jn 8: 12)

Ako ang daan… (Jn 14: 6)

Ako ang tinapay… (Jn 6: 35)

Ako ang bato… (Mt 21: 42)

Ako ang pintuan… (Jn 10:7)

Ako ang rosas sa Saron… (Awit ni Solomon 2:1)

 

Sa kanyang sariling pagtugon sa bawat kagandahan ng kalikasan, ginagawa tayo ni Hesus na mas mulat sa mga ito, at ipinapakita niya sa atin kung paano ba natin dapat ituring ang mga ito.

 

Ang Diyos ay nasasa-atin at ang Diyos ay nasasa-kalikasan na kanyang kapwa nilikha. Nagdadala ito ng isang mabathalang pagkakaugnay ng sangnilikha (transcendent synchronicity). Ang pulso ng sangnilikha ay sumasabay sa pulso ng ating puso. Dahil dito, nadarama natin ang Diyos sa lahat ng ito; una sa ating puso, pagkatapos sa huni ng ibon, sa lagaslas ng ulan, sa indayog ng dahoon, sa pag-iyak ng sanggol, at maging sa tambutso ng motorsiklo at ugong ng refrigerator. Lahat ay pulso ng Diyos… saanman at sa anuman… Narito ang mabuting espiritung tinutukoy ni San Ignacio, ang kilos na banayad, kahanga-hanga, maselan… Malapit ang Diyos at abot-kamay…

 

 5/2/24

photo credit: fr tam nguyen

Labels:

Popular posts from this blog

RECYCLABLE: ANG POWER NG KUMPISAL SA TAO

  Nagmamadali kami patungong airport noon dahil medyo nakalimot kami sa oras at malapit na ang aming flight patungong Cambodia. Todo dasal ako at ang aking kasama na sana walang trapiko sa daan at maging alerto ang aming drayber para malaman kung saan pinakamagandang dumaan. Kapos na talaga sa oras. Pero sa kalagitnaan ng biyahe, biglang may pumasok na call sa aking cell phone at ito ay mula sa isang parishioner na hindi ko pa gaanong kakilala noon dahil bagong assigned lang ako sa parokya nila. Nakikiusap ang babae na kung maaari ay puntahan ko ang kanyang bayaw na may malubhang karamdaman at tila nalalapit na ang huling hininga. Maaari daw bang kumpisalin ang maysakit dahil tila matagal na itong hindi nagkukumpisal.   Nakiusap ako sa babae na kung maaari ay tumawag sa parish office at doon mag-request ng pari dahil ipinaliwanag kong paalis kami ng bansa at kapos na nga sa oras patungong airport. Nakiusap uli ang babae na kung maaari ay ako na daw ang pumunta dahil it...
Read more

PUMAPATOL SA “FAKE PRIESTS?”

    Eksena sa isang elevator ng isang malaking funeral chapel. Pumasok ang tatlong kamag-anak ng isang yumao at natagpuan nilang may nauna na sa kanila na isang lalaki sa loob ng elevator. Ang lalaking ito ay nakasimpleng T-shirt lamang at may malaking kuwintas na krus at may dalang isang bag. Mabait na inalam ng taong ito sa mga bagong sakay sa elevator kung sino ang namatay sa kanilang pamilya. Pagkatapos, ipinahayag niya ang kanyang pakikiramay at nagparinig na kulang na kulang ang mga pari ngayon na maaaring magmisa sa mga lamayan sa patay. Pagkatapos naglabas ang lalaki ng isang calling card at sinabing kung kailangan ng tulong sa Misa, tawagan lamang ang numero dito.   Unang-una, walang matinong paring Katoliko ang tatambay sa mga funeral chapels dahil mas marami pang ibang gawain sa mga parokya o misyon nila. Ikalawa, wala lalong matinong paring Katoliko ang magpapamigay ng calling card o tarheta niya para sa pagkontak tungkol sa Misa. Gin...
Read more

MGA AKLAT SA LUMANG TAHANAN

    Madaling araw nang umalis ng probinsya ang aking inaanak at ang aking kaibigan gamit ang sasakyan na lulan ang aking sangkatutak na koleksyon ng mga aklat o libro. Karamihan sa mga librong ito ay pinag-ipunan ko at pinagsikapang bilhin sa ibang bansa lalo na sa Europa noong nag-aaral pa lamang ako doon. Kaya mahalaga sa akin at hindi ko agad mabitiwang ipamigay ang mga ito kahit ang mga iba dito ay luma na dn. Subalit kailangang ilipat na sa bago kong tirahan ang mga aklat dahil ang tahanang kinalakihan ko, ang tahanang puno ng kasaysayan ng aking Kabataan ay ipinagbili na at iba na ang nagmamay-ari nito.   Dahil wala na akong mga magulang, ang tanging kaugnayan ko na lamang sa dating bahay naming ay ang mga librong nakalagak doon. Ngayon sa wakas, masasabi kong naputol na, napatid na ang kahuli-hulihang pisi na humahatak sa akin paminsan-minsang umuwi sa tahanan ng aking mga nasirang magulang.   Ano ba ang tahanan? Karaniwang iniis...
Read more