OUR PINOY THEOLOGIAN: Loving the Church, Challenging the Church

    Sa bagong dokumentong Fiducia Supplicans, pinapayagan   na ng simbahan, na may pagsang-ayon ng Santo Papa Pope Francis, ang pagbabasbas ng mga taong nasa situwasyon ng “same-sex” relationship, mga “hiwalay at nag-asawa muli,” at iba pang nasa kalagayang hindi regular sa mata ng simbahan (o ng lipunan man).   Bagamat ang unang nagbunyi ay ang mga LGBTQ na mga Katoliko, dapat malaman ng lahat kung ano ang nilalaman ng dokumento at ang kahulugan ng development na ito sa paggabay-pastoral at espirituwal sa bawat miyembro ng buong simbahan.   ANO ANG HINDI SINASABI NG DOKUMENTO?   Ang pagbabasbas na tinutukoy sa mga taong nasa kalagayan ng ugnayan na hindi regular (same-sex o hiwalay at muling nag-asawa) ay hindi katumbas ng kasal. Hindi ito dapat ituring na tulad ng tunay na Sakramento ng Pag-iisang Dibdib, na madiin pa ring nakalaan lamang sa babae at lalaki na malayang pumapasok sa banal na ugnayang panghabambuhay. ...

    Ngayong December 2023, laman ng isang balita tungkol sa Gaza (Palestinian Authority/ State of Palestine) na may kaisa-isa at huling Pilipina na hindi sasama sa evacuation ng mga Pilipino mula doon sa gitna ng digmaan ng Israel at Hamas terrorists – at ito ay ang madreng si Sr. Elizebeth Ann, 63 anyos, ng Missionaries of Charity ni Saint Mother Teresa of Calcutta, na nagpasyang manatili sa Gaza sa kabila ng lahat. Kasama ng madre ang dalawa pang misyonera mula sa India at Rwanda.   Matagal na si Sr. Elizabeth Ann sa Gaza at sa kanilang kumbento, inaaruga nila ang 54 na mga taong may kapansanan. Ang congregation na Missionaries of Charity ay may dakilang misyon tungo sa “poorest of the poor” ayon sa foundress na si Saint Mother Teresa. Matatagpuan sila sa buong daigdig na tahimik na naglilingkod sa mga mahihirap lalo na yung pinaka-kawawa at nakalimutan na ng lipunan. Naniniwala ang mga madreng ito na kahit sa gitna ng anumang hirap, sakuna o d...

    Maraming Pilipino ang kasapi sa samahan ng mga Mason. Para sa karamihan, ang pagsali dito ay dahil sa kapatiran na dulot ng samahan sa larangan ng negosyo, ng pulitika, at ng pagsuporta sa mga kasapi sa maraming paraan. May nagsasabi halimbawa na hindi ka magkakaroon ng promotion sa military kung hindi ka isang Mason dahil ang mga nasa matataas na posisyon dito ay mga Mason. Gayundin naman daw sa ibang sangay ng gobyerno. May mga bali-balita pa na ang isang dating pangulo ng bansa na hindi nagpakita ng damdaming relihyoso ay dahil sa kanyang pagiging isang miyembro ng grupong ito. May kaibigan akong dating sacristan na napansin kong may singsing na may tanda ng Mason at sinabi niyang ito ay para daw dumami ang kontak niya sa business at maging madali ang makapasok sa iba’t-ibang opisina na kanyang hinaharap.   May mga nagsasabing wala silang makitang mali sa pagsapi sa mga Mason dahil ito naman ay tulad din ng Rotary Club o Jaycees na ang ha...

    Nang mamatay ang isang kaibigan ko, naitanong ng kanyang anak sa akin kung maaari bang ilagak ang abo ng kanyang ama sa loob lang ng kanilang tahanan, dahil ang napili nilang paraan ay cremation. Mabilis ang aking tugon na hindi ito pinapayagan. Bagamat nasa maayos na “urn” (parang plorera na selyado) ang mga abo, patakaran ng simbahan na bahagi ng paggalang sa yumao ay ang paglalagak ng mga ito sa isang banal na lugar tulad ng public o private na sementeryo o kaya sa “ossuary” o “columbarium” (na maaaring maglaman ng maliliit na labi (remains) ng yumao.    Itinanong din niya kung maaari bang kumuha ng kapirasong abo na ilalagay niya sa kaniyang kuwintas upang maramdaman na kasama pa din niya ang kanyang ama. Muli, ang aking tugon ay mabilis na “hindi.”   Subalit ngayon, may kaunting pag-asa doon sa mga taong nagnanais na mag-iwan ng “kaunting abo” ng yumao nila. Pumayag na ang simbahan na, matapos ilagak ang mga abo sa sementeryo o...

  https://www.rvasia.org/asian-news/least-3-dead-bombing-during-mass-philippine-university   Nakagugulat kung iisipin ang ginawang pagpapasabog ng isang explosive device sa gitna ng Misang ginaganap sa okasyon ng unang Linggo ng Adbiyento sa compound ng Mindanao State University (MSU). Apat ang namatay at marami ang nasugatan (https://www.cbsnews.com/news/several-killed-bombing-catholic-mass-philippines-marawi/). Katatapos pa naman ng pagdiriwang sa Pilipinas ng Red Wednesday (https://www.rvasia.org/asian-news/red-wednesday-annual-remembrance-persecuted-christians-set-november-29), araw ng paggunita sa mga Kristiyanong pinag-uusig, nanganganib at nangangailangan.   Bagamat may mga pangyayari ng pag-uusig sa mga Kristiyano sa iba’t-ibang dako ng daigdig, sa ating bansa, kung saan nasa mayorya ng populasyon ay Kristiyano na pinangungunahan ng mga Katoliko, hindi masasabing sumasailalim ang mga ito sa isang sistematikong pag-uusig ng ibang relihyon. Sa ...

    Isang araw, nabanggit ng isang kaibigan ko na gusto daw niya magsulat tungkol sa new evangelization (yung bagong paraan ng pagpapahayag ng Good News sa mga bansang matagal nang Kristiyano). Itong new evangelization ay naging sobrang sikat na slogan at programa sa panahon ni Pope St. John Paul II at Pope Benedict XVI dahil bilang mga europeo, nakita nilang talagang nalalaos na ang pananampalataya sa kontinente nila at kailangang yugyugin at muling buhayin. Kaunti na lang ang nagsisimba doon, kaunti din ang bokasyon sa pagpapari at buhay relihyoso, at nagiging irrelevant ang simbahan sa buhay ng lipunan.   Pagdating ni Pope Francis, hindi masyadong tinutukan itong new evangelization dahil bilang taga-Latin America, iba ang karanasan niya sa pananampalataya. Iba ang situwasyon ng simbahan sa mga lugar na malayo sa Europa. Bagamat Kristiyano na ang kultura ng Latin America, marami pa ding hindi nakakarinig ng Mabuting Balita ng Panginoon o kaya a...